Te dinyol duma but avre-fyalurya shiba sar o pai chi sikavel-pe avtomatiknones talento ando tolmachimos. Le pramatni tolmacha si do-shibange, numa thai-vi won shai ramon mishto pengi shib worka pramatno shib alosardi, thai-vi won si spesyalisturya ando subdjekto kai keren buki.

Istorikalnones dokumentime tolmachimasko aktiviteto sikavel ke tolmachinas le manush desar 5,000 bersh ande lumiya (ande Siriya, Kitai, Indiya) regate le monge tolmachimaske obichaya. E istoriya tolmachimaske studiyamgi sar ekh disiplino akademikosko si terno, thai anliste mashkar e mai paluni dopashin la bishtatonya kenturiyako.

E niva/mak la terminologiyaki kamel te mothol mai but katar o tolmachimos le vokabulariyako hai listi swatonenge. Le pramatni terminologurya keren sofistikalni resursi terminologiyange thai-vi si advizoriya pe standardurya, shibake polisiyi, alavariyango hai datanga xayingako kerimos, neve swaturya/neologismurya hai neve direktsiyi ando shibako haznimos.

E praktsiya te kidinisavol resursi terminologiyange (listi swatonenge, glosariya, alavarya) si la buté-bershengi tradítsiya. Le studiyi terminologiyange den-pe yakh duplo ande diskriptsiya hai ande preskriptsiya, anda sar le swaturya (kola leksikalni) haznin-pe te mothon wuni gindimata hai te reprezentin wuni naihiyi shtiriyake.

Kakya partiya anel andre wuni resursi fundamentalni (ramome thai po Interneto) kai si disponibli te rodinyol mai but shtiriya pe l' tolmachimaske pramatni hai terminologiyi, thai-vi mai but akademikoske publikatsiyi ande studiyi tolmachimaske hai terminologiyake.

Kakya partiya del listi resursange hai referentsiyi disponibli (ramome hai po Interneto) te rodinyol mai but daturya shtiriyake pe edukatsiya hai sikayimos te getisavol/preparisavol te keren buki pramatnones ande tolmachimos hai terminologiya.